INOI Zəmanət şərtləri

Zəmanət şərtləri. Zəmanət müddəti ərzində məhsulunuzda quruluş və ya istehsal qüsurları aşkar edilərsə, istehlakçı rəsmi xidmət mərkəzində ödənişsiz təmir üçün müraciət etmək hüququna malikdir.

Son istifadəçinin satınalmanı təsdiq edən qəbzi təqdim edildikdə məhsulun satın alındığı ölkə üçün tətbiq olunan müddət ərzində (“Zəmanət müddəti”) INOI orijinal qablaşdırmada olan INOI markalı məhsulun və INOI markalı aksessuarların (“INOI məhsulu”) INOI təlimatlarına uyğun olaraq normal istifadə zamanı material və işlənmə qüsurlarından azad olmasına zəmanət verir.

Zəmanət keyslər, çantalara, tutacaqlara, çıxarıla bilən panellərə, naqillərə, sonradan quraşdırılan proqram təminatlarına və digər aksessuarlara şamil edilmir. İstifadəçi yalnız rəsmi xidmət mərkəzi tərəfindən satıcı şirkətin möhürü ilə təqdim edilmiş orijinal zəmanət kartı və qəbzlə birgə müraciət etdikdə, Zəmanət üzrə xidmət həyata keçirilir.

Məhsulun zəmanət müddəti xidmət mərkəzinin məhsulu zəmanətlə təmir etdiyi müddətə qədər uzadılmalıdır.

Məhsulun mexaniki, elektrik və ya istilik təsirinə, maye və ya kondensata məruz qoyulması; qeyri-orijinal aksessuarlarla birlikdə istifadə daxil olmaqla, düzgün istifadə edilməməsi; səriştəsiz şəxslər tərəfindən məhsulun açılması, təmir edilməsi, dəyişdirilməsi və ya proqram təminatının yanlış quraşdırılması; virus hücumları, lisenziyasız proqram təminatından istifadə edilməsi; qoruyucu möhürlərin, kəmərlərin, stikerlərin və s. zədələnməsi; üçüncü şəxslərin hərəkətləri, fors-major hallar, düzgün saxlama və daşıma qaydalarına riayət edilməməsi nəticəsində  zədələnməsi hallarında zəmanət ləğv edilə bilər.

QEYD:Zəmanət şərtləri haqqında daha ətraflı məlumat almaq üçün 24@inoi.com ünvanına yazaraq bizimlə əlaqə saxlayın yaxud INOI tərəfindən səlahiyyət verilmiş xidmət mərkəzinə müraciət edin.